Questo xe el spazio dedicado a le canzoni che ne acompagna nei nostri giri, allenamenti e viaggi. No vol dir che dovemo gaver per forza l'ipod taca' intele rece: pol esser che durante la pedalada ne vegni in mente una canzon; che viceversa scoltando la canzon ne vien in mente un posto, una strada, una vista; che usemo una canzon come colonna sonora del filmin de le ferie; che sentimo una canzon nel rifugio su la cima 'pena conquistada.
Che le sia vere, imaginarie, prima, dopo, durante la pedalada, veloci, lente, pompade o svolazanti, questo xe el posto giusto dove che le ga de star.
Del punto de vista tecnico e legale no se ben come che se pol far: se vederà in corso d'opera.
No xe indispensabile meter el colegamento a una version in altra definizion del video; indispensabile xe scriver perché che se ritien oportuno inserirla e condividerla: senò ve la tignì e po' bon!
Nessun commento:
Posta un commento